Үміткер кенттің әлеуметтік-экономикалық әлеуетін көтеруді, әрбір тұрғынның өмір сүру сапасын жақсартуды және ашық әрі әділ басқару жүйесін орнатуды өз жұмысының басты мақсаты ретінде айқындады.
«Халықпен бірге – жарқын болашаққа!» ұранымен ұсынылған бағдарламаның негізгі 6 басым бағыты.
• Инфрақұрылымды жүйелі дамыту
Кент көшелерін кезең-кезеңімен жөндеу және заманауи жарықтандыру жүйесін орнату.
Тұрғындарды сапалы ауыз сумен және аяқ сумен қамтамасыз ету мәселелерін шешу;
Мәдени демалыс орындарын, саябақтарды, балалар мен спорт алаңқайларын көбейту.
• Сапалы білім және жастар саясаты
Дарынды жастарға қолдау көрсету және жастар арасындағы жұмыссыздық деңгейін төмендету;
Кентте бұқаралық спортты дамыту, мәдени іс-шараларды тұрақты әрі сапалы ұйымдастыру.
• Кәсіпкерлікті кешенді қолдау
Шағын және орта бизнесті өркендету, мемлекеттік гранттар мен жеңілдетілген несиелер алуға құқықтық-кеңестік көмек көрсету.
Жаңа өндіріс орындарын ашу арқылы тұрақты жұмыс көздерін қалыптастыру.
• Қауіпсіздік және қоғамдық тәртіп
Қоғамдық орындар мен әлеуметтік нысандар маңында бейнебақылау камераларының санын арттыру.
Жаяу жүргіншілер жолдарын реттеп, тұрғындардың қауіпсіздігін жоғары деңгейде қамтамасыз ету.
•«Ашық әкімдік» қағидаты
Тұрғындармен тұрақты кездесулер өткізу, әлеуметтік желілер арқылы жедел әрі сапалы кері байланыс орнату.
Әрбір азаматтың өтініш-тілегіне мұқият қарап, шешімдердің ашықтығын қамтамасыз ету.
• Инвестиция тарту және әлеуметтік серіктестік
Кенттің дамуын жеделдету үшін инвесторлар мен демеушілерді тарту.
Халықтың әлеуметтік жағдайын көтеретін жаңа бастамалар мен маңызды жобаларды іске асыру.
«Мен үшін халық пікірі әрқашан маңызды! Кентімізді бірге көркейту үшін сіздердің қолдауларыңыз ауадай қажет», — деп атап өтті.
