Іс-шарада аудан әкімдігі мен төтенше жағдай және сала мамандарынан құрылған жұмысшы топ тұрғындарға электр және жылыту құрылғыларын дұрыс пайдалану қағидаларын түсіндіріп, тұрмыста өрттің туындау себептері мен оны болдырмау жолдарын түсіндіруде. Сонымен қатар, мамандар үй-жайларда өрт қауіпсіздігі талаптарын сақтау, ақауы бар құрылғыларды қолданбау, балаларды қараусыз қалдырмау және өрт шыққан жағдайда жылдам әрекет ету тәртібін ескертті.
Тұрғын үйлерді аралау барысында өрт немесе төтенше жағдай орын алған кезде тез арада 101 немесе 112 нөміріне хабарласу қажеттігі ескертілді. Аудан аумағында өрттің алдын алу бағытындағы жұмыстар алдағы уақытта да тұрақты түрде жүргізілетін болады.
Сырдария ауданы әкімінің баспасөз қызметі
