Шара барысында аудан әкімі экологиялық мәдениетті қалыптастыру – баршаға ортақ міндет екенін атап өтіп, тазалық жұмыстарына тұрақты түрде атсалысып жүрген азаматтарға ризашылығын білдірді.
«Мемлекет басшысының бастамасымен жүзеге асып жатқан «Таза Қазақстан» экологиялық акциясы бүгінде қоғамдағы маңызды бастамалардың біріне айналды. Бұл – қоршаған ортаны таза ұстауға, табиғатты аялауға және туған жерге жанашырлықпен қарауға үндейтін игі жоба. Тазалық – бір күндік науқан емес, ол – әр азаматтың күнделікті өмір салты мен мәдениетінің көрінісі. Ауданымызды көгалдандыру, абаттандыру және көркейту бағытындағы жұмыстар алдағы уақытта да жүйелі түрде жалғасады. Ортақ іске белсенді атсалысып жүрген барша азаматтарға шынайы алғысымды білдіремін», – деді А.Ибраимов.
Айта кетейік, «Таза Қазақстан» акциясы аясында аудан көлемінде санитарлық тазалық, абаттандыру және көгалдандыру бағытындағы жұмыстар тұрақты түрде жүргізілуде.
