Аудан әкімі Алмасбек Есмаханов тұрғындардың талап-тілегін ескеріп, тиісті теміржол мекемелерімен бірге мәселені шешуді шұғыл түрде қолға алды. Нәтижесінде кешеден бастап Әйтеке би кентінің солтүстік бөлігінде орналасқан теміржол өткелдеріне резиналық төсеніштер салу жұмыстары басталды. Ал, желтоқсан айының 10-ынан бастап кенттің оңтүстік беткейіндегі теміржол өткеліне арнайы резиналар төселмек.
Бүгін аудан басшысы теміржол өткеліне резиналық төсеніштерді салу жұмыстарын көріп, жұмыс сапасын бақылады.
Бұл жұмыстар – тұрғындардың қауіпсіздігі мен жайлы қозғалысын қамтамасыз етуге бағытталған. Резиналық төсеніштер теміржол өткеліндегі діріл мен шуды азайтып, жол-көлік оқиғаларының алдын алуға үлкен септігін тигізеді.
Жергілікті тұрғындар атқарылып жатқан жұмыстарға оң бағасын беріп, қауіпсіздік шараларының күшейтілуіне ризашылықтарын жеткізуде.
