Жайдарман ойындарындағы “Миллион” командасының мүшесі Мансар Орынхан Түркістан облысы күрес федерациясы президентінің орынбасары болды. Ол медиа саласы бойынша қызмет атқарады.
Яғни күрес спортына қатысты иммидждік жұмыстармен айналысады.
Жайдарманышының өзі бұл лауазымды қызмет үлкен жауапкершілік екенін, әрі міндетін мінсіз атқаруға тырысатынын айтады.
“Бұл – мен үшін үлкен жауапкершілік әрі сенім. Көрсетілген қолдау үшін Түркістан облысы күрес федерациясына және Түркістан облысының дене шынықтыру және спорт басқармасына алғысымды білдіремін. Алдағы уақытта күрес спортын кеңінен насихаттау, оның имиджін арттыру және медиа бағытты жаңа деңгейге көтеру жолында бар күш-жігерімді саламын”, — деп жазды МАНСАР ОРЫНХАН.
