Жиынға аудан әкімінің орынбасары Әліби Байнахатов, сондай-ақ тиісті сала басшылары мен мамандар қатысты.
Отырыс барысында өңір үшін өзекті бірқатар мәселелер қаралды. Атап айтқанда, су шаруашылығы нысандарының жағдайы мен оларды тиімді пайдалану, дала және орман өрттерінің алдын алу шаралары, елді мекендерде заңсыз ағаш кесу фактілеріне жол бермеу мәселелері кеңінен талқыланды.
Сонымен қатар, Мемлекет басшысының бастамасымен жүзеге асырылып жатқан «Таза Қазақстан» экологиялық бағдарламасы аясында қалдықтарды басқару жүйесін жетілдіру, қоршаған ортаны қорғау бағытындағы жұмыстардың тиімділігін арттыру мәселелері назарға алынды.
Жиында еңбек және орындаушылық тәртіпті сақтау, жауапты мекемелердің өзара үйлесімді жұмысын қамтамасыз ету бағытында да нақты міндеттер қойылды.
Отырыс қорытындысы бойынша тиісті сала басшыларына бірқатар нақты тапсырмалар беріліп, олардың орындалуын тұрақты бақылауға алу қажеттігі атап өтілді.
