Ауданда биыл 41 758 гектар жерге ауыл шаруашылығы дақылдары орналастырылады. Оның ішінде күріш – 16 800 га, бидай – 576 га, мақсары – 595 га, арпа – 50 га, сұлы – 5 га, соя – 152 га, дәндік жүгері – 7 544 га, қант құмайы – 371 га, жаңа жоңышқа – 4 850 га, ескі жоңышқа – 8 150 га, картоп – 250 га, көкөніс – 1 115 га, бақша дақылдары 1 300 гектарды құрайды.
Қазіргі таңда жоспарланған мақсары, бидай, арпа, сұлы, соя, қант құмайы және жаңа жоңышқа дақылдары толық орналастырылып, ескі жоңышқа алқаптары күтімге алынды.
Сонымен қатар, жоспарланған 16 800 гектар күріш алқабының 9 825 гектарына (60,2%) тұқым себіліп, 6 965 гектары (42,6%) суға бастырылды. Аудан әкімі көктемгі егін орналастыру жұмыстарын уақытылы әрі сапалы аяқтауды тапсырды.
«Биыл 15 000 гектар жерге лазерлік тегістеу жұмыстары жүргізілді. Тәжірибе көрсеткендей, инженерлік жүйедегі жерлерді лазерлік тегістеу күріш егісінде суды үнемдеуде оң нәтижесін беруде. Су тапшылығы жағдайында су үнемдеу технологияларын кеңінен енгізіп, суды аз қажет ететін дақылдардың егіс көлемін арттыру жұмыстарын жалғастыруымыз қажет. Егін орналастыру жұмыстарын белгіленген мерзімде аяқтауымыз тиіс», – деді АРДАҚ ИБРАИМОВ, ЖАЛАҒАШ АУДАНЫНЫҢ ӘКІМІ.
Жиын қорытындысымен күн тәртібіндегі мәселелер бойынша жауапты сала басшыларына, кент және ауылдық округ әкімдеріне нақты тапсырмалар жүктелді.
