Өткен жылдың желтоқсан айында бағдарлама аясында ауданға қарасты Ақсуат ауылында жаңа өрт сөндіру бекеті пайдалануға берілсе, бүгінде Жанқожа батыр ауылында демеушілік есебінен өрт сөндіру бекетінің құрылысы жүргізілуде.
Бүгін аудан әкімі Алмасбек Есмаханов Қызылорда облысына жұмыс сапарымен келген ҚР ТЖМ Төтенше жағдайлар комитеті төрағасының орынбасары Руслан Қайрақбаевпен бірге Жанқожа батыр ауылына барып, өрт сөндіру бекетінің құрылысымен танысты.
Аталмыш нысан маусым айында ауыл халқының игілігіне пайдалануға берілмек. Аудан басшысы ауыл әкіміне өрт сөндіру бекетінің аумағын абаттандыру жұмыстарына қатысты бірқатар тапсырмалар беріп, аудандық төтенше жағдайлар бөлімімен бірлесе жұмыс жасауды тапсырды.
Руслан Сламбекұлы «Ауыл құтқарушысы» бағдарламасының басты мақсаты ауыл тұрғындарының өрт қауіпсіздігін қамтамасыз ету екендігін жеткізіп, төтенше жағдай кезінде жағдайға уақытылы ден қоюдың маңыздылығын атап өтті. Ғимарат құрылысымен танысудан кейін Алмасбек Әбілқасымұлы мен Руслан Сламбекұлы өрт сөндіру бекетінің ауласына ағаш көшттерін отырғызды.
