Студент қыз жігітпен жазғы демалыста жұмыс істеп жүргенде таныстым дейді. Содан бастап дос болып араласып, кейін таныстарының үйіне бірге қонаққа барған. Жасөспірім өзін алғаш рет сол жерде зорлағанын айтады. Арам ниетін іске асырған соң жігіт қоқан-лоқы көрсетіп қорқытты деп отыр.
«-Сол бөлмеде құлыптап алып, менің аяқ-қолымды қатты қысып ұстап зорлады. Содан кейін үйге апарып тастады ол. Сол кезде айтты маған біреуге айтатын болсаң, аямаймын деп. Сосын қорыққанымнан ешкімге ештеңе айта алмадым. Қорқынышпен жүре бердім әрі қарай,»- дейді Жәбірленуші
Бұл азғындық бірнеше мәрте қайталанды дейді жеткіншек. Ал қыздың анасы Эльмира Жүсіпбекова бұл жағдайды басқа біреуден естіген. Сол сәтте жігіт кешірім сұрап, қызыма ғашық екенін, үйленгісі келетінін айтып алдыма келді дейді әйел. Осылайша құзырлы органдарға арыз жазудың орнына қызын 21 жастағы жігітке тұрмысқа беріпті. Бірақ бұл ісіме әлі өкінемін дейді. Өйткені жас жігіттің қызыма көрсетпеген қорлығы жоқ деп жыларман.
«-Түнде жататын кезімде мама түнім ұйқысыз өтеді дейді. Қорқатын едім дейді. Теуіп тастайтын дейді. Белімнен де тепті, жамбасымнан да, ішімнен де тепті дейді. Сол кезде үйінде тұратын бір бала бар екен. Соған ұр мынаны депті. Ол бала да шапалақпен ұрған екен. Соның бәрін ішіп істеп отыр мына бала. Одан кейін қолдарын тілген саусақтарын,»- дейді жәбірленушінің анасы ЭЛМИРА ЖҮСІПБЕКОВА.
Ал, полиция тергеуді бастап, күдіктіні қамауға алдық дейді.
-» Кәмелетке толмаған қызға қатысты құқыққа қайшы әрекеттер бойынша қылмыстық іс қозғалды. Күдікті дереу ұсталып, уақытша ұстау изоляторына қамауға алынды. Қазіргі уақытта болған оқиғаның барлық мән-жайларын анықтауға бағытталған тергеу амалдары жалғасуда,» деп мәлімдеді Қызылорда облыстық ПД баспасөз қызметі.
Жалғызбасты ана Эльмира Жүсіпбекованың жеті баласы бар. Ал жәбірленген қызы қазір колледжде бірінші курс студенті екен. Көрген қорлығынан әбден қорқып қалған жәбірленушінің жүйкесі шаршаған дейді анасы. Сондықтан тергеу әділ жүріп, жігіттің қатаң жазаланғанын қалайды.
