Актрисаның айтуынша, оған соңғы кездері жанкүйерлерден «қайдасыз, неге көрінбей кеттіңіз?» деген сауалдар жиі қойыла бастаған.
«Соңғы кезде бәріңіз: «Қайда жүрсіз, Айгүл?» деп сұрай бересіздер. Мен шынымен де біраз уақыт өнер сахнасынан алыстап кеттім. Бірақ оның себебі – өнерден түңілу емес, өмірімнің бағыты басқа арнаға ауысты»,– дейді Айгүл Иманбаева.
Айгүл Иманбаеваның айтуынша, ол өнерден түбегейлі кетпеген. Дегенмен қазіргі сәтте оның назары басқа бағытта екенін жеткізді.
«Өнерден толық кеттім деп айта алмаймын. Қазір фокусым – басқа дүниеде, уақыты келгенде бөлісетін боламын», – деп қысқа қайырды ол.
Актриса қазіргі сахнаны жастар жағы жаулап алғанын айтып, оларға жол беру керек деп есептейді.
«Қазір сахнада, театрда жас әншілер мен актрисалар жетерлік. Мен оларға бәсекелес болғым келмейді. Жастармен жағаласып қайтемін?»– дейді Иманбаева.
P/S. Сонымен қатар ол өз аудиториясының бар екенін, жанкүйерлері әрдайым қолдап жүретінін айтып, өнерден алыстамайтынын жеткізді.
