Тағылымы мол шараға аудан тұрғындары, жастар мен оқушылар қатысып, еліміздегі этносаралық келісім мен достықтың маңызын айқындайтын тарихи деректермен танысуға мүмкіндік алды.
Көрме аясында келушілер назарына Қазақстан аумағында мекендейтін түрлі этностардың тарихы, мәдениеті мен салт-дәстүрін бейнелейтін құнды жәдігерлер ұсынылды. Әсіресе, әр кезеңдегі халықтар арасындағы өзара түсіністік пен сыйластықты көрсететін материалдар көпшіліктің қызығушылығын тудырды. Экспозицияда ұсынылған заттар арқылы еліміздің көпұлтты қоғамындағы бірлік пен татулықтың терең тарихи негізі бар екені кеңінен насихатталды.
Іс-шараның басты мақсаты – жас ұрпақтың бойында достық, ынтымақ және өзара құрмет құндылықтарын қалыптастыру, сондай-ақ тарихи мұраға деген қызығушылықты арттыру. Ұйымдастырушылардың айтуынша, мұндай көрмелер қоғамдағы тұрақтылық пен келісімді нығайтуға, ұлттық бірегейлікті сақтауға зор үлес қосады.
Шара барысында қатысушылар бірлік пен татулықтың маңыздылығы жөнінде өз ойларымен бөлісіп, бейбіт өмірдің қадірін тереңірек түсінуге мүмкіндік алды.
Айта кетейік, Қазақстан халқының бірлігі күні – еліміздегі бейбітшілік пен келісімнің символына айналған маңызды мерекелердің бірі. Бұл күн түрлі ұлт өкілдерінің ортақ мақсат жолында бірігіп, бір шаңырақ астында тату-тәтті өмір сүріп жатқанын айшықтайды.
Расымен де, «Бірлік бар жерде – тірлік бар». Осындай мазмұнды шаралар ел ішіндегі татулық пен тұрақтылықты одан әрі нығайта түсетіні сөзсіз.
