23 жастағы жас ананың айтуынша ақ халаттылар ішін тілгенде жиналған сұйықтықты сыртқа шығармаған. Соның кесірінен дертім асқынып, әлі күнге айыға алмай жүрмін деп ашулы. Ең сорақысы, содан кейін де сәби көтере алмайтын хәлге түстім деген әйел дәрігерлердің жазаланғанын қалайды.
-Сұйықтық дренажный круг арқылы сыртқа шығып кетуі керек. Соны салмаған. Содан кейін қателік көп. УЗИ-ге де түсірмеген. Екіқабат келіншекке немқұрайлы қараған.
Асыға күткен екінші сәбиінен айырылған жас жұбайлар Нұрлан мен Гүлім бұл қайғыға дәрігерлерді кінәлайды. Келіншек былтыр құрсақ көтергеніне бес ай болғанда, соқыр ішекпен ауырып ауруханаға түскен. Алайда ақ халаттылар жүкті екенімді біле тұра, тиісті тексеруден өткізбей ота жасады дейді. Оның үстіне операция кезіндегі қателіктерден, ішкі ағзғама ірің жиналып, ауруым одан сайын асқынып кетті деп күйінеді Гүлім Әбілдаева.-Ауырады ішек құрылыс әлі күнге. Құрылдайды. Мен қазір дәрімен жүрмін. Ауыр көтере алмаймын. Кішкентай көтердім. Ол өспей, түсіп қалды. Врачтарға көрініп ем, олар уже организмнің қабылдамай тұр, — дейді жас келіншек
Яғни бастапқы сәтсіз отадан соң дәрігерлер тағы бірнеше рет ішкі құрылысымды тілді дейді келіншек. Сөйтіп жүргенде, өмірге келген бес айлық нәресте шетінеп кеткен. Содан бері келіншекті емдеу үшін ауруханалардың табалдырығын тоздырып, бір жылдан бері сәби сүйе алмай жүрген жас жұбайлар ақ халаттылардың жазалғананын талап етеді. Тіпті медицина мамандарының үстінен жазған арызымыздан нәтиже жоқ дейді олар.
-Қызылорда облысының прокуратурасына да жазылды бұл арыз. И ГОВД-ға да жазылды. Қазір 8 ай болды. Еш нәтиже жоқ.Келіншегімнің денсаулығына жауап берсін. Қазір біз 6 ай сайын Астанаға барып көрінуіміз керек. Қаншама армандарымыз бар еді. Енді осы жағдайдан кейін армандарымыздың бәрі көөкке ұшты ғой, — дейді Гүлімнің жолдасы
-Гүлім Әбілдаева, қазіргідей қиын хәлге түсуіне дәл осы көпбейінді облыстық аурухананың дәрігерлерін кінәлайды.
Алайда аурухана басшылары жас анаға тиісті көмек көрсеттік деп отыр. Яғни, хаттамаға сәйкес ота жасалғанын жеткізді. Айта кетейік, жүктілік кезінде ішек ауруына шалдыққан 23 жастағы Гүлім Әбілдаева бес айлық нәрестесінің шетінеп кеткеніне дәрігерлерді кінәлаған болатын. Келіншек отадан кейін дертім керісінше асқынып, денсаулығым күрт нашарлап кетті деп отыр. Ақ халаттылардың жазалануын талап еткен әйел әлі күнге дейін ауруынан айыға алмай жүргенін айтқан еді.
PS.-Кез келген отадан кейін асқынулар болуы мүмкін. Оған себеп өте көп. Науқастың жалпы жағдайы, қосымша сырқаттары болуы мүмкін. Бұл жерде емдеу барысы, жасалған отамен кемшіліктер анықталған жоқ. Құжаттарды толтыру барысында, яғни қолхат алынбаған секілді кішкене кемшіліктерге ішінара негіздеме берілді, — дейді Рауан Жәлімбетов Қызылорда облыстық көпбейінді ауруханасының дәрігері
