Бұл ғаламшар Жерден шамамен 18 жарық жылы қашықтықта орналасқан қызыл ергежейлі жұлдызды айналып жүреді және өмір сүруге қолпайлылық тұрғысынан ең перспективті нысандардың бірі болып саналады.
Массасы Жерден ауыр, бірақ Нептуннан жеңіл тас ғаламшарлар санаты супержерлер деп аталады.
Әдетте мұндай планеталар жоғары металдылығы бар жұлдыздардың маңында түзіледі. Яғни құрамында гелийден ауыр элементтер – магний, темір және кремний бар жұлдыздарда. Алайда металдылығы төмен, М-типті күңгірт жұлдыздар – қызыл ергежейлілердің айналасында супержерлер сирек кездеседі.
The Astronomical Journal журналында жарияланған ғылыми жұмыстың авторларының айтуынша, супержер GJ 251 c ерекше жағдайда орналасқан. Жұлдызға жақындығы мен орбиталық ерекшеліктерінің арқасында оны жаңа буын телескоптарымен, мысалы, аса үлкен телескоппен (ELT), отыз метрлік телескоппен (TMT) және алып Магеллан телескопымен (GMT) тікелей суретке түсіруге мүмкіндік туады.
