Аудан көлемінде өткен сенбілік жұмыстары барысында орталық көшелер мен саябақтар, арықтар тазаланды. Одан бөлек көше бойындағы арам шөптер оталып, қоқыс қалдықтары арнайы орындарға шығарылды.
Бұл жолғы тазалық жұмыстары барысында мекеме ұжым қызметкерлерінің басым көпшілігі Әйтеке би көшесіне жұмылдырылды.
Әйтеке би кентінде ұйымдастырылған тазалық жұмыстарын аудан әкімі Алмасбек Есмаханов аралап, әр аумақта жүргізіліп жатқан тазалық жұмыстарын бақылады. Әрбір аймақтағы тазалық жұмыстарына байланысты жауапты басшыларға бірқатар тапсырмалар берді.
Сенбілік жұмыстары аудан орталығынан бөлек барлық ауылдық округтерде де ұйымдастырылды.
