Мекемеде 900-ден астам жазасын өтеушілерді кітаппен қамтып отырған кітапханада қазақ тіліндегі әдеби шығармалар жиынтығы тапшы болатын.
Алайды Әбділда Тәжібаев атындағы Қызылорда облыстық әмбебап ғылыми кітапханасының қызметкерлері оқырмандар сұранысына сай мекеме кітапханасына 400-ге жуық түрлі ақын-жазушылардың шығармаларын тарту етті.
– Жазасын өтеушілер мекемеде қалаған мамандығы бойынша білім алады. Осыған сәйкес білімдерін тереңдету мақсатында бірнеше әдебиетке сүйенеді. Өз қалаулары бойынша да түрлі ақын-жазушылардың шығармашылығын оқиды. Мысалы, жақында сотталғандардың бірі ағылшын тіліндегі кітаптар сұрады. Мекеме мен облыстық кітапхана қызметкерлерінің біріккен жұмысы нәтижесінде жазасын өтеушілердің сұранысына ие кітаптар мекеме кітапханасының сөрелерінен табылды. Жаза басып жаңылса да, кітапқа құштар оқырманның бары көңіл қуантады, – дейді №60 мекемесінің сотталғандар арасында әлеуметтік-психологиялық тәрбие жұмысы бойынша бөлім бастығы әділет подполковнигі Уайдаев Абдолла.
Шара соңында мекеме қызметкерлері кітапхана ұжымына алғысын білдірді.
