Жиын барысында қазіргі қоғамдағы діннің орны мен маңызы, діни тұрақтылықты сақтау, тұрғындар арасында дәстүрлі рухани құндылықтарды дәріптеу мәселелеріне ерекше назар аударылды. Сонымен қатар жастар арасында жүргізілетін ақпараттық-түсіндіру жұмыстарының тиімділігін арттыру, діни экстремизм мен терроризмнің алдын алу, жат діни ағымдардың ықпалына жол бермеу бағытындағы жұмыстарды жүйелеу жөнінде пікірлер айтылды.
Имамдардың қоғамдағы рухани тәрбие мен адамгершілік құндылықтарды қалыптастырудағы рөлі де кеңінен сөз болды. Осы ретте мешіттер мен мемлекеттік мекемелер арасындағы өзара байланысты нығайтып, халықпен жүргізілетін түсіндіру жұмыстарына бірлесіп атсалысудың маңыздылығы атап өтілді.
Сондай-ақ тұрғындардың діни мәселелерге қатысты сауалдарына дұрыс әрі нақты жауап беру, дін мәселесінде ақпаратты тек сенімді және ресми дереккөздерден алудың қажеттілігі жөнінде түсіндірме жұмыстарын тұрақты жүргізу мәселесі көтерілді.
Кездесу барысында алдағы уақытта атқарылатын жұмыстар мен бірлескен іс-шаралардың жоспары да қаралды. Атап айтқанда, елді мекендерде тұрғындармен кездесулер өткізу, жастар арасында рухани-танымдық бағыттағы іс-шараларды ұйымдастыру, түрлі әлеуметтік топтармен түсіндіру жұмыстарын жүргізу және қоғамдағы діни келісім мен тұрақтылықты нығайтуға бағытталған бастамаларды жүзеге асыру мәселелері талқыланды.
Жиынға қатысушылар дін саласындағы тұрақтылық пен қоғамдық келісімді сақтау – ортақ міндет екенін атап өтіп, бұл бағыттағы жұмыстарды жүйелі түрде жүргізудің маңыздылығына тоқталды.
Кездесу соңында тараптар өзара ынтымақтастықты одан әрі нығайтуға, аудан тұрғындарының діни сауаттылығын арттыруға және мемлекеттік дін саясатын жүзеге асыру бағытындағы жұмыстарды бірлесе атқаруға уағдаласты.
Мұндай кездесулер алдағы уақытта да тұрақты түрде ұйымдастырылып, дін саласындағы өзекті мәселелерді бірлесіп талқылау және олардың алдын алу бағытындағы жұмыстар жалғасын табатын болады.
