— Тарихқа көз жүгіртер болсақ 1918 жылы 8 сәуірде алғашқы әскери комиссариаттар құрылып, кейіннен Қазақстанның тәуелсіздік жылдарында олар қайта Қорғаныс істері жөніндегі департаменттер, басқармалар мен бөлімдер болып өзгертілді. Қазіргі таңда еліміздің барлық өңірлеріндегі жергілікті әскери басқару органдарына 200-ден астам бөлімше кіреді. Қазалы ауданының қорғаныс істері жөніндегі бөлімде біздің ауданымыздағы жергілікті әскери орган болып табылады. Бүгінде ауданның қорғаныс істері бөлімінде 21 қызметкер еліміздің әскери құрылымын жақсарту, мерзімді әскери шақыру маусымын ұйымдастыру және аудан жастарының Отан алдындағы борышын өтеуге үлес қосу мен қатар басқа да жауапты қызметтерді қалтқысыз атқарып келеді, — деді Дәурен Оңғарбайұлы.
Мерекелік қабылдау барысында бірқатар бөлім қызметкерлері аудан әкімінің міндетін атқарушы Жалғас Сүйеубаевтың және Қызылорда облысы қорғаныс істері жөніндегі департаменті басшысының «Алғыс хатымен» марапатталды.
Жиында аудандық қорғаныс істері жөніндегі бөлімінің бастығы Нұрлан Көлбаев пен қорғаныс істері жөніндегі бөлімінің ардагерлері Нұрсұлтан Айекешов пен Ғалымжан Бердібеков сөз сөйлеп, мерекемен құттықтап жатқан азаматтарға шынайы ризашылықтарын жеткізді. Сондай-ақ елдің амандығы мен тыныштығын, жастардың жарқын болашағын тіледі.
Мерекелік басқосу соңында аудан өнерпаздары мереке иелеріне арнап әсем ән тарту етіп, мерекелік көңіл-күй сыйлады.
