Қазалыда тұрғындарды көгілдір отынмен қамту жұмыстары қарқынды

2025 жылы Ақтан батыр, Жанқожа батыр, Бекарыстан би, Майдакөл, Түктібаев елді мекендеріне газ жеткізу құбырларының құрылысы жүргізіліп, жұмыс көлемі толық аяқталды. Жоба құны 3 млрд. 733,5 млн. теңге.
2026 жылға Жанқожа батыр (120 млн. тг. Жоба құны 323,6 млн. тг), Бекарыстан би (300 млн. тг. Жоба құны 573,8 млн. тг), Майдакөл (80 млн. тг. Жоба құны 225,2 млн. тг) және Түктібаев (180 млн. тг. Жоба құны 343 млн. тг) елді мекендеріне орамішілік газ желілері құрылысын бастауға республикалық бюджеттен 680 млн. теңге қаржы бөлініп, жұмыстар жүргізілуде.
Бүгінгі таңда аудан халқын көгілдір отынмен қамту көрсеткіші 77,6 пайызды құраса, аталған 4 ауыл толық газ отынына қосылғаннан кейін аудан халқын көгілдір отынмен қамту көрсеткішін 86,3 пайыға жеткізу жоспарлануда.
Бұдан бөлек елді мекендерді газдандыру бойынша жалпы жалпы құны 4,5 млрд. теңгені құрайтын Жанкент, Бірлік, Қожабақы, Аранды ауылдарына магистарльды газ желілерін жеткізуге жоба сметалық құжаттары әзірленіп, сараптаманың оң қорытындысы алынды.
Сонымен қатар Майлыбас ауылдық округіне қарасты Ақсуат ауылына автоматтандырылған газ тарату стансасын(АГТС) салуға (Жоба құны 1,938 млрд. теңге) және Ақсуат, Байқожа елді мекендеріне орамішілік газ желілерін жүргізуге (Жоба құны 824 млн теңге.) жоба сметалық құжаттары әзірленді. Алдағы уақытта да бұл бағыттағы жұмыстарды жалғастыратын боламыз.
Көгілдір отынға қосылған елді мекендердегі әлеуметтік нысандардың бу қазандықтарын табиғи газга бейімдеу жұмыстарын жүйелі түрде жүргізіп келеміз.