Кездесуді Қызылорда облыстық корей этномәдени бірлестігінің төрағасы Елена Ан жүргізіп, басқосудың негізгі мақсатына тоқталды. Атқарылған жұмыстар туралы есеп берді.
Іс-шара барысында қаржы саласының ардагері, өңірлік корей орталығының белсенді мүшесі Ирина Ким Қазақстандағы корей этносының депортациядан кейінгі қалыптасуы, дамуы және ел өміріне қосқан үлесі жайлы мазмұнды баяндама жасады.
Сондай-ақ корей орталығының ардагері Юрий Ким Қызылорда өңіріндегі корей халқының тарихына, олардың еңбек жолына және орталықты басқарған тұлғалардың еңбегіне шолу жасады.
Кездесу аясында LED экран арқылы бір жыл көлемінде орталықтың атқарған жұмыстарын қамтыған бейнешолу көрсетіліп, қатысушыларға ұсынылды.
Қазақстан корейлер қауымдастығы жанындағы Төралқа мүшесі Юрий Ким өз сөзінде қауымдастықтың 35 жылдық мерейтойы және 2027 жылы корейлердің Қазақстанға қоныс аударуына 90 жыл толуына орай өткізілетін маңызды шаралар жөнінде айтып өтті.
Кездесу соңында тараптар өзара пікір алмасып, болашақтағы бірлескен жобалар мен бастамаларды талқылады.
