Қоқысты сұрыптауға арналған кешен осыдан 5 жыл бұрын ғана халық игілігіне берілген. Алғашқы жылдары мұнда күніне 50-60 көлік қоқыс өнделген. Ал қазіргі таңда бұл көрсеткіш 10-15 жүк көлігін ғана құрап отыр. Кешеннің басында жұмыс істеп жатқандар шамамыздың жеткені осы ғана дейді. Қалған қоқыстарды тазалықшылар көміп жатқан көрінеді. Айтуларынша жер астына кетіп жатқан қоқыстар тұрмыстық қалдықтар екен. Бірақ біздер оның арасынан қайта өңдеуе болатын резеңке, пластмасс секілді қалдықтарды байқадық. Соңғы 10 күн бойы кешен мүлдем жұмысын тоқтатыпты. Оған себеп қондығының істен шығуы дейді жұмысшылар.
— Ана айналып тұратын цепьтің арасына тас іріп кетеді, болт кіріп кетеді. Сондай майда-шүйде заттар кіріп кеткенде тоқтап қалады, тістесіп қалады цепі. – Жиі бұзылады ма? –иә, жиі бұзылады, арасында ремонттап тұрамыз. Бұның алдында бір аптадай жұмыс істемей қалды. Ремонттап шығардық, қазір жұмыс істеп тұр енді. – дейді САМАТ АЛПАНОВ, ЖҰМЫСШЫ.
Қала тұрғындары соңғы кезде қоқыстар тек аптасына бір ғана рет жиналатынын сөз етті. Қалада ұшып жатқан целофан пакеттерге, бықсып түтіндеп жатқан қалдықтарға азаматтардың көзі де үйреніпті.
– Алындайды, өте нашар. Тазалығы жоқ, шашылып жатады сыртында. – дейді ҚАЛИМА БАЙДАРБЕКОВА, ҚЫЗЫЛОРДА ТҰРҒЫНЫ.
– Жиі алмайды, шашылып жатады. Тамдар салынып жатыр, шаңы бар. Вообще мусор деген страшный болып жатады. – дейді НАЗЕРКЕ САДУОВА, ҚЫЗЫЛОРДА ТҰРҒЫНЫ.
Қаланы тазартып үлгірмей жатқандығын жауаптылар растады. Тазалықшылар бұған бірнеше себеп бар дейді.
— Үйлерін ремонттайды этаж үйді мысалыға, плиткалар жүреді, құрылыс қалдықтары жүреді. Контейнерлер ауыр, машиналарымызға да зиян келеді. Өйткені оның көтеру салмағы есептелген ғой. Ауыр болып кетеді, шлангасы жарылады, майы атып жібереді. Сондай жағдайлар көп. – дейді ҒАБИТ ОСПАНОВ, «ҚЫЗЫЛОРДА ТАЗАЛЫҒЫ» КОММУНАЛДЫҚ МЕМЛЕКЕТТІК КӘСІПОРНЫ БАСШЫСЫНЫҢ ОРЫНБАСАРЫ.
Айта кетейік, қоқысты сұрыптау кешені осы Қызылорда тазалығы мекемесінің теңгерімінде. Жылына 60 мың тонна қалдықты өндеуге қуатты нысанға жақын арада жаңа қожайын келмекші екен. Коммуналдық мүлікті сенімді басқару жүйесі арқылы бұл кешенді шетелдік компания алмақшы. Келісім-шартқа бір-екі күннің көлемінде қол қойылады дейді мамандар. Олар өз кезегінде жаңа зауыт салмақшы екен. Бұл үшін 4 гектар жер де бөлініп қойыпты. Ал, құны 1,2 миллиард теңгені құрайтын ескі кешеннің жағдайы не болатынын жауаптылар дөп басып айтпады.
