Облыс әкімдігінің қаулысы жекеменшік бөбекжайларға бөлінетін бюджет ақшасын тиімді жұмсауға арналған. Яғни соңғы уақытта қазынадағы қаржыны балалардың білім алуына емес, бас пайдасына жарататын кәсіпкерлер көбейді дейді білім басқармасының өкілдері. Сондықтан әр бүлдіршінге берілетін мемлекет қаражатының нақты есебі бекітілген.
-Қаулыға сәйкес мемлекеттік тапсырыс көлеміне енгізілген өзгерістер тек ағымдағы жылдың шығындар бөліміне қатысты орын алуда. Бұл өзгерістер жалақы көлеміне бөлінетін қаржыға әсерін тигізбейді. Яғни мектепке дейінгі ұйым қызметкерлерінің айлығы өзгеріссіз сақталуы қажет, — дейді АСҚАРБЕК ЕСЖАНОВ, ҚЫЗЫЛОРДА ОБЛЫСЫ БІЛІМ БАСҚАРМАСЫНЫҢ БАСШЫСЫ
Алайда бөбекжай құрылтайшылары қаражатымыз азайды деген желеумен қызметкерлерінің жалақысын азайтып, балалардың төлемақысын шарықтатып жіберген. Бірақ бұл заң бұзушылық дейді жауаптылар. Өйткені өңірде жекеменшік балабақшалардың қызмет құны әр балаға айына 13500-14500 теңгеден аспауы тиіс.
24 мың теңге болғанда да кәсіпкер ретінде мен өз басым есік қағып, акиматтың не құзырлы органдардың маған ақша бер жетпей жатыр деп айтқан емеспін. Жұмыс жасап жатырмыз. Қазір бізде балабақшада мектепке дейінгі ұйымда 482 адам жұмыс жасайды,
Оның үстіне кей бөбекжай басшылары бүлдіршіндердің қауіпсіздігіне бей-жай қарайтын болған дейді басқармадағылар. Тіпті ғимараты талапқа сай болмаса да, тәрбиеленушілерді қабылдап отырған ұйымдар бар. Бұдан былай мұндай келеңсіздіктерге мүлдем жол бермейміз, — дейді СЕЙТҚАЛИ АЛШЫНБАЕВ, КӘСІПКЕР
Фото: «Postscript.kz» Абай Нұржанұлы
