“Кез келген елдің рухани дамуы мәдениетпен тікелей байланысты. Өнер мен мәдениет — ұлттың рухани қазынасы, елдің бет-бейнесі. “Сыр елі – жыр елі” атанған қасиетті Шиелі топырағында өнердің өрісі қашанда кең. Иманжүсіп, Бұдабай, Нартай сынды өнер саңлақтарының жолын жалғап жүрген мәдениет қызметкерлерінің еңбегі әрдайым құрметке лайық.
Ұлттық руханиятымызды дамытуға, мәдени мұрамызды насихаттауға қосып жүрген өлшеусіз еңбектеріңіз үшін баршаңызға зор алғысымды білдіремін. Сіздерге зор денсаулық, шығармашылық табыс, сарқылмас шабыт пен толайым жетістіктер тілеймін», – деді аудан әкімі.
Бүгінде ауданымызда мәдениет саласын дамыту бағытында ауқымды жұмыстар атқарылып келеді. Атап айтқанда, жалпы құны 1,6 млрд теңгені құрайтын заманауи «Руханият» орталығы ел игілігіне пайдалануға берілді. Аталған орталықта неке қию залы, кітапхана, музей, архив, жастар ресурстық орталығы, ардагерлер мен аналар үйі, қоғамдық кеңес пен үкіметтік емес ұйымдар орналасып, ел игілігіне қызмет етуде. Бүгінде бұл нысан тұрғындардың рухани-мәдени орталығына айналып отыр.
Сонымен қатар, құны 1 млрд. 68 млн. теңгені құрайтын 200 орындық «Оқушылар үйі» мен 50 орындық «Өнер мектебі» пайдалануға беріліп, жас ұрпақтың шығармашылық қабілетін шыңдауға жаңа мүмкіндік ашты.
Ал Бестам ауылында 429 млн. теңгеге салынған 150 орындық жаңа клуб тұрғындардың мәдени өмірін жандандырып, ауылдағы өнер мен руханияттың дамуына серпін беруде.
Мерекелік шара барысында мәдениет және өнер саласының бірқатар қызметкерлері облыс әкімінің және аудан әкімінің Алғыс хаттарымен марапатталды.
Салтанатты кеш соңы аудан өнерпаздарының концерттік бағдарламасына ұласып, әсем ән мен күмбірлеген күй, мың бұралған бишілердің өнері көрермендерге ерекше әсер сыйлады.
@Шиелі ауданы әкімінің баспасөз қызметі.
