Тағылымды басқосуға мешіт жамағаты мен жастар қатысып, қоғамдағы рухани құндылықтарды нығайту, отбасы тәрбиесінің маңыздылығы және жастардың діни сауаттылығын арттыру мәселелері кеңінен талқыланды. Кездесу барысында теолог қазіргі қоғамдағы өзекті мәселелердің бірі – интернет пен әлеуметтік желілер арқылы таралатын діни ақпараттарға сын көзбен қараудың қажеттілігіне тоқталды.
Сонымен қатар, күмәнді діни дереккөздерден сақтану, радикалды және теріс ағымдардың алдын алу, дәстүрлі дін мен ұлттық құндылықтардың сабақтастығын сақтау жөнінде жан-жақты түсіндіру жұмыстары жүргізілді. Жастарға дұрыс діни білім алудың маңызы айтылып, сенімді ақпаратты ресми мамандар мен білікті дін қызметкерлерінен алу қажеттігі түсіндірілді.
Кездесу еркін форматта өтіп, мешітке келушілер өздерін толғандырған сауалдарын қойып, тұщымды жауаптар алды. Қатысушылар мұндай рухани-ағартушылық шаралардың қоғам тұрақтылығын сақтауда және жастар тәрбиесінде маңызы зор екенін атап өтті.
Айта кетейік, аталған әлеуметтік жоба аясындағы кездесулер алдағы уақытта да аудан көлемінде жалғасын табады.
