«AMANAT» партиясы бұл акцияны үздіксіз ұйымдастырып, халықтың әлеуметтік мәдениетін қалыптастырып келеді. Бүгін Қызылордада «AMANAT» партиясы Жаңақорған аудандық филиалының ұйымдастыруымен партия мүшелері мен «Жастар рухы» жастар қанатының белсенділері «Жеңіс саябағы» аумағында тазалық жұмыстарын жүргізді.
– «AMANAT» партиясының мүшелері осы науқанға алғашқы күннен-ақ белсенді қатысуда. «Жастар рухы» жастар қанатының белсенді мүшелері мен бастауыш партия мүшелері саналы түрде тұрақты қатысып келеді. Бастауыш партия мүшелері әр апта сайын ел аумағында түрлі учаскелерде қоқыс жинау жұмысын ұйымдастырып қана қоймай, жергілікті жердің тазалығына өз үлесін қосып жүрген еріктілердің еңбегін елеп-ескеріп аудандық марапаттарға ұсынып келеміз, –дейді Жаңақорған аудандық партия филиалына қарасты «Орталық» бастауыш партия ұйымының төрайымы Алма Мамирова.
Экологиялық акцияға 40-қа жуық адам қатысып, бір мезетте 1 гектар аумақты қоқыстан тазартты.
