Рейд жұмыстарына аудан әкімінің орынбасары Нариман Үсенұлы жетекшілік етті.
Рейд барысында жұмысшы топ аудан орталығы мен елдімекендердегі жастар көп шоғырланатын орындарды аралады. Атап айтқанда, компьютерлік ойын-сауық орталықтары, саябақтар, спорт алаңдары мен көшелердегі қоғамдық орындар бақылауға алынды. Сонымен қатар, кәмелетке толмаған жасөспірімдердің түнгі уақытта заңды өкілінсіз жүру фактілерінің алдын алу бағытында түсіндірме жұмыстары жүргізілді.
Іс-шара барысында жасөспірімдерге қолданыстағы заң талаптарына сәйкес түнгі мезгілде ата-анасының немесе заңды өкілінің қарауынсыз қоғамдық орындарда жүруге тыйым салынатығы ескертілді. Сондай-ақ ата-аналарға бала тәрбиесіне жауапкершілікпен қарау қажеттігі түсіндіріліп, қауіпсіздік мәселелері бойынша профилактикалық кеңестер берілді.
Түнгі рейд шарасына аудан әкімінің орынбасары, аудандық білім бөлімі, жергілікті полиция қызметі, аудандық қоғамдық даму бөлімі, жастар ресурстық орталығының мамандары, сондай-ақ мектеп директорлары мен білім беру ұйымдарының қызметкерлері қатысты. Бірлескен жұмыс барысында жасөспірімдердің бос уақытын тиімді ұйымдастыру және олардың қауіпсіздігін қамтамасыз ету мәселелері назарға алынды.
Айта кету керек, мұндай рейдтік шаралар аудан көлеміндегі барлық елдімекендерде тұрақты түрде ұйымдастырылып келеді. Негізгі мақсат – жасөспірімдер арасындағы құқықбұзушылықтың алдын алып, олардың қауіпсіз әрі тәртіпке сай ортада тәрбиеленуіне жағдай жасау.
