Жобаның жалпы құны 1,1 млрд теңгені құрайды. Құрылыс-монтаж жұмыстары 2025 жылдың 8 қазанында басталған.
Жоба аясында Жаңақорған кентіндегі «МАИ бекеті» және «Алтыкрант» шағын аудандарының тұрғындары тұрақты ауыз сумен қамтамасыз етілетін болады.
Бүгінгі таңда: су тарату станциясының қоршау жұмыстары толық аяқталды, магистральды су желісін салу жұмыстары жүргізілді, электрмен жабдықтау жүйесінің құрылыс жұмыстары толық аяқталды.
Қазіргі таңда құрылыс-монтаж жұмыстары 85 пайызға орындалған. Нысанды 2026 жылдың маусым айында пайдалануға беру жоспарланып отыр.
Айта кету керек, «МАИ бекеті» шағын ауданында 773 тұрғын үй, яғни 2440 тұрғын орналасқан. Тұрғын үйлер салынған уақыттан бері бұл аумаққа орталықтандырылған ауыз су берілмеген. Тұрғындар осы уақытқа дейін шахталық құдықтардың суын пайдаланып келген.
Жаңа су тарату станциясының іске қосылуы осы түйткілді мәселені шешіп, тұрғындарды сапалы әрі тұрақты ауыз сумен қамтамасыз етуге мүмкіндік береді.
