№60 мекемесінің психологтары кезекті терапиясын жүргізді.
Қазіргі заманда адамның психологиялық жағдайына көңіл бөлу аса маңызды. Күйзелістен арылудың түрлі жолдары бар, солардың бірі – құмға сурет салу терапиясы. Бұл әдістер адамның ішкі әлемін тыныштандырып, эмоцияларын бейнелеу арқылы жеңілдетуге бағыталған. Құм терапиясы – арнайы жәшікке салынған ұсақ құммен әртүрлі бейнелер жасау тәсілі. Адам құммен бейнелеу арқылы өз сезімін, қорқынышын немесе армандарын бейсаналы түрде сыртқа шығарады. Құмның табиғи қасиеті де осы ішкі тепе-теңдікті орнату.
«Адамның бар ойы саусақ қиылдарымен құм бетінде суреттеледі.
Ал дәл осы терапия сотталғандарға психологиялық көмеке беруде үлкен улес қосады. Олардың ішкі жан дүниесін сауықтыру арқылы, психологиялық тұрақтылықты нығайтады. Қаламмен қағаз бетіне салған суретке қарағанда, құм бетіне қолмен құмды сезіне отырып салған сурет психологияда күшті ықпал ететін әдіске жатады»- дейді мекеменің психологиялық қамтамасыз ету тобының маманы Ерзулда Мөлдір.
Құм бетіне түскен пішіндер мен бейнелер адамның жай күйінен хабар береді. Осы тұста психологтар жазасын өтеушілермен терапия жүргізіп болған соң, эмоцианалдық тұрғыда баға беріп, түрлі әдістерді жоспарға еңгізеді. Қарапайым, бірақ әсерлі тәсіл арқылы әрбір сотталған азамат ішкі әлемімен үндесуді үйренді.
Рәпіш ТӨЛЕП
ҚАЖД №60 мекеменің баспасөз қызметі
