Halyqstan telegram каналының мәліметінше, баланың әкесі ретінде 54 жастағы қыздың өгей әкесі күдікке ілінген. Алайда оның әйелі, яғни қыздың туған анасы оған түбегейлі қарсы шығып, сенбеген. Тіпті өгей әкесі де өзінің кінәсін мойындамаған, — деп жазады басылым.
Ерлі-зайыптының үш қызы бар: үлкені бірінші некеден, екеуі екінші некеден. Өгей әкесі әйелінің тұңғышын үш жасынан өсірген. Ал қыздың анасы оның жүктілігі туралы толғақ басталғанда ғана білген.
«ДНҚ талдауы қыздың өгей әкесінен бала көтергенін көрсетті. Оған келіспеген азамат та, оның әйелі де сарапшылардың қателескенін айтып, Алматыға барып тәуелсіз мамандарға жүгінген. Бірақ оның да нәтижесі алғашқыдай болған. Оны ұстаған соң, алғаш рет қыз 13 жаста болғанда онымен жақындасқанын мойындаған», — деп жазылған хабарламада.
Өгей әкесін ұстаған соң қыз да анасына болған жайды айтып берген және одан қорыққан соң үндемей келгенін жеткізген.
P.S. Полиция бұл жағдай бойынша қылмыстық іс қозғады. Күдікті 7-12 жылға дейін бас бостандығынан айырылуы мүмкін.
