Бұл – Жаңақорғандағы жеке балабақшалардың бірі. Қызылорда облыстық білім басқармасынан келген жұмысшы топ мед.кабинеттен арнайы рұқсатпен берілетін, ұйқыға тартатын дәріні байқаған. Тексерушілердің сұрағына мейірбике бұны балаларға бас ауырғанда беремін деп ақталыпты. Бұрындары да кемшілікпен әшкере болғандар қайта уәделерін үйіп төкті. Барлығы екі күнде Жаңақорған ауданында 50 балабақшаға зерделеу жұмыстары жүргізілген. Нәтижесі көңіл көншітпейді. Бөбекжайлардың кейбірінде рұқсат етілмеген майонез, кетчуп секілді тамақ қосымшалары беріліп келген.
– Балабақшалардағы баланың өмір қауіпсіздігі, ашық тоқ жүйелері, жылу жүйесі яғни газ пеші баланың қолданыс аясындағы жерлерде болуы және олардың ешқандай оқшауланбағандығы анықталды. – дейді ӘЛИЯ ҚАРАБАЛАЕВА, ҚЫЗЫЛОРДА ОБЛЫСТЫҚ БІЛІМ БАСҚАРМАРМАСЫНЫҢ БАС МАМАНЫ.
Мамандар келесі Шиелі ауданына бас сұқты. Мұнда да кемшіліктер жетерлік. Кейбір бөбекжайларда тіптен балалардың керуеті жеткіліксіз. Барлығы толық келгенде сыймағаны меңгеруші бөлмесіне жатқызылмаған. Екінші қабаттағы талапқа сай келмейтін, салқын бөлмеге жатқызылған.Өңірде барлығы 600-ден астам балабақша болса, оның 464-і жекеменшік.
P.S. Жұмыс тобы алдағы уақытта да тексеруді жалғастырмақ. Талаптарға сай келмейтін тәрибе ошақтарына мемлекеттен мүлдем қаржы бөлінбейтін болады.
