Атырау қаласының тұрғыны Лариса Өтепова туғаннан неврологиялық дертке шалдыққан 15 жастағы ұлым ел қатарлы білім алса деп армандайды. Айтуынша оқушы бұған дейін тек екі жыл ғана мектепте оқыған. Бірақ соның өзінде ұстаздар тиісті деңгейде білім бермеді дейді. Ал кейін психология-медициналық педогикалық комиссия жеткіншек мектепте оқи алмайды деген қортынды шығарған. Содан бері ұлыма жеке мұғалім жалдап, үйімде оқытуға мәжбүрмін дейді келіншек.
— Кішкене болса да, қатарынан кеш дамып келе жатқанымен оқуға деген ынтасы өте жоғары. Түсінігі мол. Орындайды тапсырманы, артық мінез-құлығы жоқ. Өзінің қатарымен неге оқымайды? Қаратымен неге жүре алмайды? – дейді ЛАРИСА ӨТЕПОВА, АТА-АНА.
Расымен, елде ерекше балаларға білім беру жүйесінде олқылықтар көп. Мұны оқу-ағарту министрі Ғани Бейсембаевтың өзі мойындайды. Оның үстіне мүгедектігі бар жасөспірімдер саны жыл сайын артып келеді. Мәселен қазір мүмкіндігі шектеулі балалар саны 203 мыңға жеткен. Сондықтан олардың қатардан қалмай, мектеп қабырғасында білім алуы үшін жаңа мамандар дайындап жатырмыз дейді министр.
— Тірек-қимыл аппаратының бұзылыстары бар балалар үшін мектепте “жеке көмекші” лауазымы қарастырылуда. Педогог-кәсіптік стандартына мүмкіндігі шектеулі балалармен жұмыс бойынша жаңа мамандықтар қоыслуда. Педогогтардың біліктілігін арттыру жұмыстары тұрақты жүргізілуде. Биыл курстардан 5 мың педогог өтті. – дейді ҒАНИ БЕЙСЕМБАЕВ, ҚР ОҚУ-АҒАРТУ МИНИСТРІ.
P.S. Сондай-ақ бірнеше өңірде мүмкіндігі шектеулі балаларды оқытатын ұстаздар тапшылығы туындап отыр. Сондықтан алдағы жылдан бастап пеогог-ассистенттерді колледждерде даярлайтын болды.
