Жиын барысында террористік тұрғыдан осал объектілерді қорғауды ұйымдастыру жөніндегі іс-қимыл алгоритмі қаралды. Аталған мәселе бойынша аудан әкімі аппаратының жұмылдыру дайындығы, аумақтық қорғаныс және төтенше жағдайлардың алдын алу бөлімінің басшысы Әбдіғани Махмутжанов баяндама жасап, алгоритмнің негізгі бағыттары мен мақсат-міндеттеріне тоқталды.
Баяндамада террористік тұрғыдан осал объектілердің қауіпсіздігін қамтамасыз ету, ықтимал қауіптердің алдын алу, оларды дер кезінде анықтау және тиісті әрекет ету тетіктерін жетілдіру мәселелері қамтылды. Сондай-ақ қауіпсіздік талаптарын сақтау, жауапты мекемелер арасындағы өзара іс-қимылды күшейту және төтенше жағдайлар кезінде жедел әрекет ету бойынша нақты шаралар айтылды.
Отырысқа қатысушылар күн тәртібіндегі мәселені жан-жақты талқылап, ұсыныстарын ортаға салды. Жиын қорытындысы бойынша террористік қауіптердің алдын алу және қауіпсіздік шараларын күшейту бағытында тиісті мекеме басшыларына нақты тапсырмалар беріліп, олардың орындалуын бақылауға алу міндеттелді.
Аудан аумағындағы қоғамдық қауіпсіздікті қамтамасыз ету және террористік қатерлердің алдын алу бағытындағы жұмыстар алдағы уақытта да жүйелі түрде жалғасын табатын болады.
