Атап айтқанда, аудан әкімдігі, аудандық мәслихат және аудандық қоғамдық даму бөлімінің қызметкерлері салтанатты шараға қатысып, елдің басты рәміздерінің бірі – Мемлекеттік Гимнді бірге орындады.
Іс-шараның басты мақсаты – мемлекеттік рәміздерге деген құрметті арттыру, патриоттық құндылықтарды дәріптеу және елдік рухты нығайту. Жиналғандар Қазақстан Республикасының Туы, Елтаңбасы мен Гимні – тәуелсіздігіміздің айшықты белгілері екенін атап өтіп, олардың әрбір азамат үшін ерекше маңызға ие екенін жеткізді.
Мемлекеттік рәміздер – халқымыздың тарихын, мәдениетін, бірлігі мен егемендігін бейнелейтін қастерлі құндылықтар. Сондықтан оларды құрметтеу – әрбір қазақстандықтың азаматтық парызы.
Мерекелік шара барысында қатысушылар ел тәуелсіздігінің символдарына тағзым етіп, Қазақстанның өсіп-өркендеуі жолында аянбай еңбек етуге дайын екендіктерін білдірді.
Елтаңбамыз мәңгі жарқырап, көк Туымыз көкте желбірей берсін! Қазақ елінің Гимні тәуелсіздіктің мәңгілік үні болып асқақтай берсін!
