Шиелі ауданының ауылдық мәдениет үйлері мен клуб кәсіпорындарынан және Шиелі аудандық өнер мектебінен байқаудың вокал, хореография, аспаптық орындау, халықтық орындау жанрлары бойынша 36 өнерпаз, 2 домбырашылар ансамблі, 1 вокалдық трио, 12 би тобы қатысты.
Нәтижесінде вокал жанры бойынша Б.Қабылұлы атындағы Шиелі аудандық мәдениет үйінің «Балауса» ән үйірмесінің мүшесі Бозтай Нұрислам Бас жүлдені иеленсе, Шиелі аудандық өнер мектебінің оқушылары Мырзатай Тұрманов І орын, Маратов Исмаил ІІІ орынды иеленді.
Аспапта ойнау жанры бойынша Шиелі аудандық өнер мектебінен Жағыппар Самат І орын, Сүйіндік Нұрислам І орын, «Шашу» домбырашылар ансамблі І орынды иеленсе, Байсын ауылдық мәдениет үйінен Шайзада Дінмұхаммед ІІ орын, Қыдырбаева Інжу ІІІ орынды иеленді.
Хореография жанры бойынша «Арман» кенттік мәдениет үйінен «Арман» би тобы ІІ орын, Бәйгеқұм ауылдық клубынан «Салтанат би тобы ІІ орын, Б. Қабылұлы атындағы Шиелі аудандық мәдениет үйінің «Айшуақ» би тобы ІІІ орындарды иеленді.
Халықтық орындау жанры бойынша Шиелі аудандық өнер мектебінен Сейтқасым Жасұлан Бас жүлдені жеңіп алса, Нағмет Нұриман ІІ орын, Ордабек Асылжан І орын, Алмалы ауылдық клубынан Фазылова Нұрсәуле ІІ орын, Нартай өнер үйінен Мадияр Қасиетұлы ІІІ орындарды иеленді.
