Құмбазар ауылында 600-ге жуық жан тұрады. Жолдың азабын тартқан ауыл тұрғындары 20 жылдан бері жергілікті биліктің табалдырығын тоздырған. Ел арасында шенділердің асфальт тартуға берген уәдесі ұрпақтан ұрпаққа ертегі есебінде айтылып келеді екен.
— Мен бала кезімде қой кезек деген болатын. Сонда бір машиналар келіп жолдың схемасын сызып жүретін. Соны әемізден сұрағанымызда жол салатын кісілер дейтін. Қазір менің балам бар. Мен де сол балама жол салатын машинаны көрсетіп жүрмін. Менің уайымым балам баласына айтып кетпесе екен деп уайымдаймыз. – дейді АСЛАН КАМЕНОВ, АУЫЛ ТҰРҒЫНЫ.
– Жаңбыр жауып қар ерісе ешқандай көлік жүре алмайды. Тек ғана Беларусь тракторын алдымызға салуға тура келеді. Жаман айтпай жақсы жоқ біреу науқастанып қалса, босанатындай болып қалса ол кезде қиын болады. – дейді ТОЛАҒАЙ ДОСМАМБЕТОВ, АУЫЛ ТҰРҒЫНЫ.
Ал, бұл ауылдық амбулаторияның сыйқы. Тозығы жеткен медициналық мекемде су жаңа зат жоқ. Ақ халаттылар ішті көмір отынмен жылытады екен. Құмбазарлықтар қатты сырқаттанып жатса аудан орталығына амалсыз өз күштерімен жетеді. Тіптен жолда босанған келіншектер де бар көрінеді.
– Осы жерден 150 км Алар. Аралға апару керек, трассаға шыққанның өзінде 2 сағат жәймен жүреміз. Сіз есептей беріңіз лай, жаңбыр болған кезде біз 4 сағат жүреміз. Түнде 2-3-те айтады келінім босанайын деп жатыр, жағдай жасасайшы, апарып тастасайшы деп. Мен сол апарғанымда жолда босанған адамдар болды мысалы. – дейді ЖАҢАБЕК ҚАЛИЛАЕВ, АУЫЛ ТҰРҒЫНЫ.
Арал ауданының әкімі кезекті есебінде бұл ауылға биыл да жол салынбайды деп дөп басыпты. Оған себеп ақшаның тапшылығы. Әзірге тек жоба сметалық құжаттамасы дайындалыпты.
— Құмбазардың 10 км жолын біз бұрынғы мерзімі өтіп кеткен проектіні біз аудан бюджетінен қаржы бөліп қайта әзірледік. Жоба құны қазір белгілі. Салалық министрлікке облыстық басқарма арқылы бюджеттік өтінім тапсырдық. Енді Енді жол мәселесі қомақты қаржыны талап етеді, кезектілігімен жүзее асырылады. Оның барлығы облыс әкімінің тікелей бақылауында. – дейді ШЕРХАН ЕСЖАНОВ, АРАЛ АУДАНЫ ӘКІМІНІҢ ОРЫНБАСАРЫ.
P.S. Осылайша ақ жағалылар ауылға нақты жол қай кезде төселетінін айта алмады. Елді мекенді «Ауыл ел аманаты» бағдараламасына кіргізуге де мүмкіндік жоқ екен. Құмбазар халық саны бойынша талаптарға сай келмейді. Тұрғындарға жоба сметалық құны дайын құжаттардың тек министрліктен қолдау табуын күтуден басқа амалдары қалмай отыр.
