Қазіргі таңда нысанда құрылыс жұмыстары жоспарға сәйкес жүйелі түрде жүзеге асырылуда. Жобаны іске асырушы мердігер мекеме – «Гулнур МК» жауапкершілігі шектеулі серіктестігі. Мамандардың айтуынша, құрылыс алаңында қажетті техникалар мен жұмыс күші толық жұмылдырылған, бұл өз кезегінде жұмыстың белгіленген мерзімде аяқталуына мүмкіндік береді.
Аталған көпір пайдалануға берілгеннен кейін кент ішіндегі көлік қозғалысы айтарлықтай жеңілдеп, жол қауіпсіздігі деңгейі артады деп күтілуде. Сонымен қатар, жаңа нысан тұрғындардың күнделікті қатынауына қолайлы жағдай жасап, елді мекеннің көлік-логистикалық жүйесін жетілдіруге ықпал етпек. Бұл өз кезегінде өңірдің әлеуметтік-экономикалық дамуына да оң әсерін тигізеді.
Құрылыс алаңында болған аудан басшысы жұмыстың сапасына ерекше назар аудару қажеттігін атап өтті. Ол мердігер мекемеге барлық талаптарды қатаң сақтай отырып, нысанды белгіленген мерзімде әрі сапалы түрде аяқтауды тапсырды. Сонымен қатар, жауапты сала жетекшілеріне құрылыс барысын тұрақты бақылауда ұстап, әр кезеңнің талапқа сай орындалуын қамтамасыз ету міндеттелді.
Жалпы, Шиелі кентінде жүзеге асырылып жатқан мұндай инфрақұрылымдық жобалар өңірдің дамуына тың серпін беріп, тұрғындардың өмір сүру сапасын арттыруға бағытталған.
@Шиелі ауданы әкімінің баспасөз қызметі.
